មនុស្សស្រីភាគច្រើនចូលចិត្តយកចិត្តទុកដាក់ក្នុងការបង្ហាញអារម្មណ៍ សំភារៈ និងក្តីស្រឡាញ់នៅលើបណ្តេាញសង្គម។ ប៉ុន្តែយ៉ាងណាមិញ មនុស្សស្រីមិនគួរបង្ហោះរឿង ទាំងនេះនៅលើបណ្តាញសង្គមឡើយ។
១. បង្ហោះរូបភាពសិចស៊ី
នារីភាគច្រើនគ្រាន់តែចង់បង្អួតរូបភាពស៊ិចស៊ីបន្តិចទៅកាន់មិត្តភ័ក្តិរបស់ពួកគេដើម្បីកម្សាន្ត ឬពេលខ្លះរូបថតបង្ហាញពីរាងកាយរបស់ពួកគេដោយសារតែពួកគេពេញចិត្តនឹងលទ្ធផលបន្ទាប់ពីមានរាងស្អាត ដោយការហាត់ប្រាណ។ ទោះជាយ៉ាងណាក៏ដោយ ក្នុងចំណោមមិត្តភ័ក្តិនៅលើបណ្ដាញសង្គមរាប់ពាន់នាក់ នៅក្នុងបញ្ជីមិត្តភ័ក្តិរបស់អ្នក ដែលអាចប្រាកដថាពួកគេអាចនឹងនិយាយដើមមិនល្អពីអ្នក ឬអាចប្រើរូបភាពទាំងនោះក្នុងគោលបំណងមិនល្អ ដូចជាយកទៅបង្ហោះនៅលើគេហទំព័រស៊ិចក្នុងគោលបំណងមិនល្អជាដើម។
ជាពិសេសសង្សារ ឬប្តីនឹងពិបាកចិត្តជាខ្លាំង ហើយថែមទាំងខឹងទៀតផង បើដឹងថាប្រពន្ធបង្ហោះរូបសិចស៊ីតាមអនឡាញ នេះចាត់ទុកថាជាទង្វើមិនគោរពខ្លួនឯងក៏ដូចជាសង្សារ ឬប្តីរបស់ខ្លួន។ ដូច្នេះមនុស្សស្រីឆ្លាតម្នាក់នឹងមិនបង្ហាញរាងកាយស៊ិចស៊ីរបស់នាងដល់អ្នករាល់គ្នាមើលឃើញជាសាធារណៈឡើយ។
២. បង្ហោះបង្អួតពីសង្សារ
មនុស្សស្រីតែងតែចូលចិត្តបង្ហោះបង្អួតពីសំភារៈនិយមរបស់អ្នកខ្លួន សូម្បីតែអួតពីសង្សាររបស់ខ្លួន។ ប៉ុន្តែកុំបំផ្លើសបង្ហោះនៅលើបណ្ដាញសង្គមខុសពីការពិតពេក។
កុំព្រោះតែចង់បានចំនួន Like និង Comment នោះអីវាកាន់តែធ្វើឱ្យអ្នកកាន់តែនឿយហត់។ ជាងនេះទៅទៀត ការអួតពីសង្សារ នាំឱ្យជួបបញ្ហាខ្លួនឯងផ្សេងៗ ដូចជាមនុស្សស្រីដទៃអាចចូលខ្លួនជាជនទី៣ដោយសារតែការអួតរបស់អ្នក។ ហើយសង្សារក៏មិនចូលចិត្តឱ្យមនុស្សដែលខ្លួនស្រឡាញ់យករូបគេទៅបង្ហោះតាមអ៊ីនធឺណិតជារៀងរាល់ថ្ងៃដែរ។
៣. បង្ហោះពាក្យមិនល្អដល់គ្រួសារសង្សារ
ជាមនុស្សស្រីឆ្លាត កុំល្ងង់បង្ហោះរឿងអាក្រក់ពីគ្រួសាររបស់សង្សារតាមបណ្តាញសង្គមឡើយ ។ នៅលើបណ្ដាញសង្គមជាទីប្រជុំរបស់មនុស្សគ្រប់ទិសទី ការដែលនារីៗចែករំលែករឿងមិនល្អពីគ្រួសាររបស់សង្សារនៅទីនោះ បើដល់ត្រចៀករបស់គ្រួសារសង្សារ នោះពិតជាមិនដឹងថាត្រូវទុកមុខនៅទីណាទៀតទេ។
មនុស្សស្រីទោះមានជម្លោះជាមួយគ្រួសារប្តី ឬគ្រួសាររបស់សង្សារក៏ដោយ ក៏មិនគួរបង្ហោះរឿងអាក្រក់នាំឱ្យសង្គមទាំងមូលបានដឹងដែរឡើយ ។ ការធ្វើបែបនេះនឹងធ្វើឱ្យស្វាមី ឬសង្សារខកចិត្តចំពោះអាកប្បកិរិយារបស់អ្នក ហើយថែមទាំងធ្វើឱ្យគ្រួសាររបស់ស្វាមី ឬសង្សារខូចកិត្តិយស និងខកចិត្តចំពោះអ្នកយ៉ាងខ្លាំងផងដែរ៕
ប្រែសម្រួលដោយ៖ Knongsrok