ក្រោយនារីម្នាក់ប៉ះពាល់ផ្ទាល់ជាមួយឈ្មោះ កក្កដា សុភ័ណ្ឌ ពេលនេះរដ្ឋបាលខេត្តកំពង់ស្ពឺ សម្រេចផ្អាកទីតាំងរហូតដល់ទៅ

យោងតាមសេចក្តីជូនដំណឹងមួយរបស់រដ្ឋបាលខេត្តកំពង់ស្ពឺ បានអោយដឹងថា អាជ្ញាធរបានសម្រេចផ្អាកបណ្តោះអាសន្នទីទាំងចំនួន៥កន្លែង ពាក់ព័ន្ធនារីម្នាក់ដែលបានប៉ះពាល់ផ្ទាល់ជាមួយបុគ្គលឈ្មោះ កក្កដា សោភ័ណ្ឌ មានវិជ្ជមានកូវីដ-១៩ និងបានមកលេងមិត្តភក្ត្រនៅក្នុងភូមសាស្ត្រក្រុងច្បារមន ខេត្តកំពង់ស្ពឺ។

សេចក្តីជូនដំណឹងដដែលបានអោយដឹងទៀតថា ទីតាំងដែលត្រូវបានផ្អាកបណ្តោះអាសន្នរួមមាន៖ ហាង ណូណាស៊ីហ្វូតលក់គ្រឿងសមុទ្រ នៅចំណុចភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ, ផ្ទះមិត្តភក្ត្រ នារីខាងលើ នៅទីតាំងក្នុង ភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ ខាងក្រោយបញ្ជាការដ្ឋានកងរាជអាវុធហត្ថខេត្តកំពង់ស្ពឺ, ហាងមួយកន្លែងនៅផ្សារាត្រី នាមាត់ស្ទឹងព្រែកត្នោត ភូមិទួលគក សង្កាត់ស្វាយក្រវ៉ាន់ ក្រុងច្បារមន, ហាងកាហ្វេ អាម៉ាហ្សូន (Amazon) នៅក្នុងស្ថានីយ៍ប្រេងឥន្ធនៈ PTT ក្នុងសង្កាត់រការធំ ក្រុងច្បារមន និង ហាងម៉ែប៉ុកឬស្សី ក្នុងភូមិបិល ឃុំស្គុះ ស្រុកសំរោងទង ខេត្តកំពង់ស្ពឺ៕

យោងតាមការបញ្ជាក់ពី រដ្ឋបាល ស្រុកបាទី ខេត្តតាកែវ បានឲ្យដឹងថា លោក ហង្ស វិច្ឆិការាស្សី អភិបាលរងស្រុកបាទី តំណាងលោកអភិបាល នៅព្រឹកថ្ងៃចន្ទ ២កើត ខែចេត្រ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី១៥ ខែមីនា ឆ្នាំ២០២១ បានដឹកនាំកម្លាំង ការិយាល័យជំនាញ គណ:បញ្ជាការឯកភាព ចុះពិនិត្យ និងបិទទីតាំងផ្ទះសំអាងការណាក់ ដាណេ និងផ្សារអង្គសឹង្ហ មានជាប់ពាក់ព័ន្ធមង្គលការ នៅភូមិក្រាំងលាវ ឃុំរវៀង ស្រុកសំរោង ខែត្រតាកែវ ដែលបានប្រារព្ធឡើងនៅថ្ងៃទី១២ ខែមីនា ឆ្នាំ២០២១ កន្លងទៅ ជាបណ្ដោះអាសន្ន។

ក្នុងនោះដែររដ្ឋបាលស្រុកសំរោង បានធ្វើការរាយការណ៍ជុំវិញការរកឃើញអ្នកប៉ះពាល់ផ្ទាល់និងប្រយោលជាមួយបុគ្គលរូបនេះ ដោយមានអ្នកប៉ពាល់ផ្ទាល់ចំនួន២៥នាក់ និងប្រយោល៣៥៥នាក់ ខណៈដែលភូមិដែលរៀបចំអាពាហ៍ពិពាហ៍ គឺភូមិក្រាំងលាវ ឃុំរវៀង ស្រុកសំរោង ខេត្តតាកែវ មានប្រជាពលរដ្ឋរស់នៅចំនួន២០២គ្រួសារ ដែលមានប្រជាពលរដ្ឋសរុប ៨៩៥នាក់។ ក្នុងនោះដែរក៏មានភូមិដែលប៉ះពាល់ចំនួន៥ភូមិទៀត នៅក្នុងឃុំសំរោង ខេត្តតាកែវផងដែរ។

សូមបញ្ជាក់ផងដែរ មង្គលការខាងលើ ត្រូវបានអ្នកកំដរកូនកម្លោះមានឈ្មោះ កក្កដា សុភ័ណ្ឌ ទទួលលទ្ធផលវិជ្ជមាននូវជំងឺកូវីដ-១៩ តាមការបញ្ជាក់ពីគណនី ហ្វេសប៊ុក កក្កដា សោភ័ណ្ឌ ម្ចាស់សាម៉ីខ្លួនផ្ទាល់….។ ត្រូវអនុវត្ត នូវវិធានការ ៣ការពារ និង៣កុំ។

គួរបញ្ជាក់ផងដែរថា កាលពីយប់ថ្ងៃទី១៤ ខែមីនា ឆ្នាំ២០២១ បុគ្គលឈ្មោះ កក្កដា សុភ័ណ្ឌ បានធ្វើការប្រកាសនៅលើគណនីហ្វេសប៊ុកថា ខ្លួនបានទទួលលទ្ធផលវិជ្ជមានវីរុសកូវីដ១៩ ក្រោយមានអាការៈមិនស្រួលខ្លួនខុសប្លែកពីធម្មតា ហើយទៅធ្វើតេស្តក៏ទទួលបានលទ្ធផលបែបនេះតែម្តង៕

ដកស្រង់ពី៖ khmernote