ផ្អើលដល់អង្កកាសហប្រជាជាតិហើយ!! ប្រមុខ UN គាំទ្រសិទ្ធិប្រជាជនមីយ៉ាន់ម៉ាក្នុងការតវ៉ាប្រឆាំងរដ្ឋប្រហារយោធាមួយនេះ

ប្រធានអង្គការសហប្រជាជាតិ (UN) លោក Antonio Guterres បានគាំទ្រសិទ្ធិរបស់ប្រជាជនមីយ៉ាន់ម៉ាក្នុងការសម្តែងការបដិសេធចំពោះការកាន់កាប់អំណាចដោយយោធាកាលពីដើមសប្តាហ៍នេះដែលបានផ្លាស់ប្តូររដ្ឋាភិបាលស៊ីវិលជាប់ឆ្នោតរបស់លោកស្រី អ៊ុងសាន ស៊ូជី។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

អគ្គលេខាធិការអង្គការសហប្រជាជាតិ បាននិយាយនៅក្នុងបទសម្ភាសន៍ផ្តាច់មុខជាមួយ CNA ថា “រដ្ឋប្រហារមិនអាចទទួលយកបានទេនៅក្នុងសម័យទំនើប ហើយខ្ញុំបដិសេធ និងថ្កោលទោសរដ្ឋប្រហារនេះ។ ខ្ញុំសូមផ្តល់អនុសាសន៍យ៉ាងមុតមាំដល់ប្រជាជនមីយ៉ាន់ម៉ាឲ្យសំដែងការឈឺចាប់ ប៉ុន្តែត្រូវធ្វើដោយសន្តិវិធី”។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ការអត្ថាធិប្បាយរបស់លោក Guterres កើតឡើង បន្ទាប់ពីមានការផ្លាស់ប្តូរកាលពីថ្ងៃចន្ទ ក្នុងអំឡុងពេលដែលយោធារបស់ប្រទេសមីយ៉ាន់ម៉ាបានប្រកាសដាក់ប្រទេសក្នុងភាពអាសន្ន និងដណ្តើមអំណាច។ នៅក្នុងការឆ្មក់ចូលព្រឹកព្រលឹម កងទ័ពបានឃុំខ្លួនមេដឹកនាំមីយ៉ាន់ម៉ាលោកស្រី អ៊ុងសាន ស៊ូជី ប្រធានាធិបតី U Win Myint រួមជាមួយសមាជិកសភា និងសកម្មជនជាច្រើននាក់។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ការបង្ហោះលើបណ្តាញសង្គមពីប្រទេសមីយ៉ាន់ម៉ាបង្ហាញពីចលនាមិនស្តាប់បង្គាប់របស់ជនស៊ីវិលកាន់តែកើនឡើងពីសំណាក់មនុស្សដោយគោះឆ្នាំង និងខ្ទះរាល់យប់ដើម្បីបង្ហាញពីការតវ៉ា។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

លោក Guterres បាននិយាយថា សេរីភាពនៃការបញ្ចេញមតិគឺជាសិទ្ធិជាមូលដ្ឋានរបស់មនុស្ស ហើយបានជំរុញឲ្យយោធាកុំឲ្យមានអំពើហិង្សាណាមួយទាក់ទងនឹងប្រជាជនមីយ៉ាន់ម៉ា។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រុមប្រឹក្សាសន្តិសុខ UN បានបើកកិច្ចប្រជុំបន្ទាន់ បន្ទាប់ពីមានព័ត៌មានអំពីការកាន់កាប់ដោយយោធា ហើយបានអំពាវនាវឲ្យមានការដោះលែងលោកស្រី អ៊ុងសាន ស៊ូជី ក៏ដូចជាអ្នកដទៃទៀតដែលត្រូវបានចាប់ឃុំខ្លួនដោយយោធា។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ប្រមុខ UN បានប្រាប់ CNA ថា ពួកគេនឹងធ្វើអ្វីគ្រប់យ៉ាងដែលអាចធ្វើបានដើម្បីឲ្យប្រាកដថា លោកស្រី អ៊ុងសាន ស៊ូជី ត្រូវបានដោះលែង ប៉ុន្តែបានទទួលស្គាល់ថា UN គ្មានអំណាចក្នុងការធានាដល់មេដឹកនាំមីយ៉ាន់ម៉ានឹងមិនប្រឈមមុខការឃុំខ្លួនក្នុងផ្ទះរយៈពេលយូរប៉ុនណានោះទេ។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

លោក Guterres បានធានាដល់ប្រជាជនមីយ៉ាន់ម៉ាថា “យើងនឹងធ្វើអ្វីគ្រប់យ៉ាងដែលយើងអាចធ្វើបានដើម្បីឲ្យសហគមន៍អន្តរជាតិដឹង”។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

គួរបញ្ជាក់ថា លោកស្រី អ៊ុងសាន ស៊ូជី បានចំណាយពេលជិត ១៥ ឆ្នាំក្នុងការឃុំខ្លួននៅចន្លោះឆ្នាំ ១៩៨៩ និងឆ្នាំ ២០១០ ហើយលោកស្រីមិនត្រូវបានគេបង្ហាញជាសាធារណៈទេចាប់តាំងពីរដ្ឋប្រហារ ខណៈប៉ូលិសមីយ៉ាន់ម៉ាបានចោទប្រកាន់លោកស្រីពីបទនាំចូលវិទ្យុទំនាក់ទំនងខុសច្បាប់ បន្ទាប់ពីបានឆែកឆេរក្នុងផ្ទះរបស់លោកស្រី៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ដកស្រង់ពី៖ kromanews