ដំណឹងបន្ទាន់! ជនជាតិខ្មែរសញ្ជាតិអាមេរិកម្នាក់ រត់ចេញពីទីតាំងធ្វើចត្តាឡីស័ក, ពេលនេះសមត្ថកិច្ចពាក់ព័ន្ធកំពុងតាមរក

ប្រទេសកម្ពុជាយើងជាប្រទេសមួយដែលជាប់ចំណាត់ថ្នាក់ល្អក្នុងការគ្រប់គ្រោងជំងឺកូវីដ១៩ ដែលកំពុងផ្ទុះពាសពេញសកលលោកយើងនេះប៉ុន្តែក៏មានមនុស្សមួយចំនួនតូចមិនព្រមចុលរួមសហការជាមួយបងៗសម្ថិកិច្ចដោយគ្រាន់តែចូលខ្លួនធ្វើចត្តាឡីស័ករយះពេល ១៤ថ្ងៃក៏ធ្វើមិនបាននូវលួចរត់ចេញពីកន្លែងធ្វើចត្តាឡីស័កទៀត

មន្ត្រីជាន់ខ្ពស់ក្រសួងសុខាភិបាល បានបញ្ជាក់ប្រាប់អគ្គនាយកដ្ឋានទូរទស្សន៏ជាតិកម្ពុជា ឱ្យដឹងថា នៅព្រឹកថ្ងៃទី១៦ ខែមករា ឆ្នាំ២០២១នេះ មានបុរសខ្មែរសញ្ជាតិអាមេរិកាំងម្នាក់ បានរត់ចេញពីទីតាំងធ្វើចត្តាឡីស័ក នាសណ្ឋាគារទ្បងលីវ នៅផ្លូវលេខ៣១២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បន្ទាប់ពីហូបអាហារពេលព្រឹករួច។

អ្នកដំណើរនេះ ឈ្មោះ យឹម សេរីវុទ្ធី អាយុ៣៦ឆ្នាំ បានមកដល់ប្រទេសកម្ពុជា កាលពីថ្ងៃទី១២ ខែមករា ឆ្នាំ២០២១ ដោយក្រុមគ្រូពេទ្យបានយកសំណាកទៅពិនិត្យ ហើយដាក់ឱ្យចត្តាទ្បីស័កនៅសណ្ឋាគារឡងលីវ។ នៅព្រឹកមិញនេះ គាត់បានហូបអាហារពេលព្រឹក នៅក្នុងសណ្ឋាគារ ហើយបានឆ្លៀតឱកាសរត់គេច ក្រោយហូបអាហាររួចតែម្តង។

រហូតមកដល់ពេលនេះ សមត្ថកិច្ចពាក់ព័ន្ធកំពុងស្វែងរក ដើម្បីយកមកធ្វើចត្តាឡីស័កឡើងវិញ៕