ជីវប្រវត្តិនិងកម្រងរូបភាពអស្ចារ្យ របស់លោកវេជ្ជបណ្ឌិត ប៊ីត រិចន័រ “ក្មេងមួយ ជីវិតមួយ”

ឋសម្តេចព្រះនរោត្តមសីហនុ ព្រះនាម នរោត្តម គន្ធបុប្ផា ។

ថ្ងៃនេះខ្ញុំបាទ សូមលើកយកនូវជីវប្រវត្តិនិងកម្រងរូបភាពមួយចំនួនរបស់លោកវេជ្ជបណ្ឌិត ប៊ីត រិចន័រ (Beat Richner) មកចែករំលែកដើម្បីសម្ដែងនូវការរំលឹកដឹងគុណចំពោះទឹកចិត្តនិងការលះបង់ដ៏ធំធេងរបស់គាត់មកលើកុមារកម្ពុជារាប់លាននាក់កន្លងមកនេះ!លោកវេជ្ជបណ្ឌិត ប៊ីត រិចន័រ (Beat Richner) កើតនៅថ្ងៃទី១៣ ខែមីនា ឆ្នាំ១៩៤៧ ជាជនជាតិស្វីស។ គាត់ជាពេទ្យកុមារ, ជាអ្នកលេងសេឡូ, ជាអ្នកបង្កើតមន្ទីរពេទ្យកុមារនៅកម្ពុជា និងជានាយកនៃមន្ទីរពេទ្យគន្ធបុប្ផាផងដែរ ។ បន្ទាប់ពីទទួលបានបរិញ្ញាបត្រវិជ្ជសាស្រ្តក្នុងឆ្នាំ១៩៧៣ លោកវិជ្ជបណ្ឌិត ប៊ីត រិចន័រ បានធ្វើជាអ្នកឯកទេសថែទាំកុមារនៅមន្ទីរពេទ្យកុមារនៅទីក្រុងស៊ូរិចនៃប្រទេសស្វីស។ក្រោយមកលោកបានធ្វើការឲ្យអង្គការកាកបាទក្រហមស្វីស និងត្រូវបានបញ្ជូនមកប្រទេសកម្ពុជា ជាទីដែលលោកបានធ្វើការនៅមន្ទីរពេទ្យគន្ធបុប្ផានាទីក្រុងភ្នំពេញចន្លោះឆ្នាំ១៩៧៤ និងឆ្នាំ១៩៧៥ ។ មន្ទីរពេទ្យគន្ធបុប្ផានេះត្រូវបានប្រសិទ្ធិនាមដើម្បីទុកជាការចងចាំដល់ព្រះរាជបុត្រីនៃព្រះបរមរតនកោដ្ឋសម្តេចព្រះនរោត្តមសីហនុ ព្រះនាម នរោត្តម គន្ធបុប្ផា ដែលបានសោយទិវង្គតក្នុងព្រះជន្មនៅក្មេងវស្សានៅឡើយ គឺទ្រង់បានប្រសូត្រក្នុងឆ្នាំ១៩៤៨ និងចូលសោយទីវង្គតនាឆ្នាំ១៩៥២ ។នៅពេលខ្មែរក្រហមបានចូលកាន់កាប់ប្រទេសកម្ពុជា លោក ប៊ីត រិចន័រ ត្រូវបានបង្ខំឲ្យចាកចេញទៅប្រទេសស្វីសវិញ បន្ទាប់មកលោកបានបន្តការងាររបស់លោកនៅទីក្រុងហ៉្សូរ៉ិច។ លោក ប៊ីត រិចន័រ មានចំណាប់អារម្មណ៍ខាងតន្ត្រីជាខ្លាំង។ លោកវេជ្ជបណ្ឌិតតែងតែធ្វើការប្រគុំតន្រ្តីដោយឥតគិតថ្លៃនៅមន្ទីរពេទ្យព្រះបាទជ័យវរ្ម័នទី៧ក្នុងខេត្តសៀមរាបរៀងរាល់យប់ថ្ងៃព្រហស្បតិ៍និងថ្ងៃសៅរ៍ក្នុងរដូវដែលមានភ្ញៀវទេសចរណ៍មកលេងច្រើន ។គាត់បានបង្ហាញអំពីបញ្ហាសុខមាលភាពនៃកុមារកម្ពុជាទៅកាន់អ្នកទេសចរណ៍ទាំងនោះ លោកបានស្នើសុំភ្ញៀវទេសចរវ័យក្មេងឲ្យជួយបរិច្ចាគឈាម ហើយស្នើសុំជាលុយសម្រាប់ទេសចរណ៍វ័យចំណាស់។វិលត្រឡប់មកវិញនៅខែធ្នូឆ្នាំ១៩៩១ លោកប៊ីត រិចន័រ បានវិលត្រឡប់មកកាន់ប្រទេសកម្ពុជា និងបានឃើញការបំផ្លិចបំផ្លាញដែលបានកើតឡើងជាបន្តបន្ទាប់ ពីការប៉ះទង្គិចគ្នា ដែលជាលទ្ធផលជម្លោះរវាងខ្មែរក្រហម និងវៀតណាម។ លោកត្រូវបានស្នើរសុំឲ្យបើកនិងសាងសង់មន្ទីរពេទ្យគន្ធបុប្ផាឡើងវិញដោយរាជរដ្ឋាភិបាលកម្ពុជា។ បន្ទាប់ពីបានបង្កើតមូលនិធិគន្ធបុប្ផា នៅខែមីនាឆ្នាំ១៩៩២ លោក ប៊ីត រិចន័រ បានត្រឡប់មកកម្ពុជាវិញ ដើម្បីចាប់ផ្ដើមការសាងសង់មន្ទីរពេទ្យគន្ធបុប្ផា ដែលត្រូវបានសម្ពោធបើកទ្វារនៅខែវិច្ឆិកា ឆ្នាំ១៩៩២ ។មន្ទីរពេទ្យគន្ធបុប្ផា មានសាខាចំនួន៥ ដែលបានបង្កើតឡើងដោយ លោកវេជ្ជបណ្ឌិត ប៊ីត រិចន័រ ដែលមន្ទីរពេទ្យទាំងនេះ បានព្យាបាលអ្នកជម្ងឺដោយពុំមានការគិតកម្រៃអ្វីឡើយ។ សាខាគន្ធបុប្ផាទី១ និងទី២ ស្ថិតនៅក្នុងរាជធានីភ្នំពេញ និងទី៣ ស្ថិតនៅមន្ទីរពេទ្យព្រះបាទជ័យវរ្ម័នទី៧ខេត្តសៀមរាប ។ សាខាគន្ធបុប្ផាទី៤ត្រូវបានបើកដំណើរការនៅខែធ្នូ ឆ្នាំ២០០៥ នៅភ្នំពេញ ហើយបានរួមបញ្ចូលគ្នាជាមួយមន្ទីរពេទ្យគន្ធបុប្ផាទី៥ ដែលត្រូវបានស្ថាបនារួចរាល់និងបើកឱ្យដំណើរការនៅក្នុងខែធ្នូឆ្នាំ២០០៧ ។រហូតមកដល់ពេលនេះ មន្ទីរពេទ្យគន្ធបុប្ផាបានជួយព្យាបាល កូនចៅប្រជារាស្ត្រខ្មែរជាពិសេសជនក្រីក្រដោយមិនគិតថ្លៃ ចំនួនរាប់លាននាក់មកហើយ។ ជនជាតិខ្មែរទាំងមូលគោរពស្រលាញ់យ៉ាងជ្រាលជ្រៅបំផុតចំពោះលោក និងចាត់ទុកលោក វេជ្ជបណ្ឌិត ប៊ីត រិចន័រ ជាឪពុកធម៌ដ៍ល្អរបស់កូនចៅប្រជារាស្ត្រខ្មែរក្រីក្រនៅទូទាំងប្រទេសទៀតផង។លោក ប៊ីត រិចន័រ បានទទួលមរណភាពនៅវេលាម៉ោង២៖៤៥នាទីព្រឹកថ្ងៃទី០៩ ខែកញ្ញា ឆ្នាំ២០១៨ ក្នុងជន្មាយុ៧១ឆ្នាំ នៅប្រទេសស្វីស។ ដំណឹងមរណភាពរបស់លោក បានធ្វើឲ្យប្រជាពលរដ្ឋខ្មែរគ្រប់រូបមានការសោកស្ដាយ និងចូលរួមរំលែកទុក្ខយ៉ាងក្រៀមក្រំជាទីបំផុត ព្រោះតែរូបលោកបានចំណាយពេលស្ទើរតែពាក់កណ្ដាលជីវិតរបស់លោកក្នុងការជួយសង្គ្រោះជីវិតកុមារកម្ពុជាយើង ។យោងតាមបណ្ដាំចុងក្រោយរបស់លោកសាស្ត្រាចារ្យវេជ្ជបណ្ឌិត Beat Richner អដ្ឋិធាតុរបស់លោកវេជ្ជបណ្ឌិត ត្រូវបានបញ្ជូនពីប្រទេសស្វ៊ីសមកតម្កល់ទុកនៅចេតិយនៅមន្ទីរពេទ្យគន្ធបុប្ផាខេត្តសៀមរាប។

dir="auto">នាព្រឹកថ្ងៃទី៦ ខែធ្នូ ឆ្នាំ២០១៨ ព្រះករុណាជាអម្ចាស់ជីវិតតម្កល់លើត្បូងព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះអង្គទាំងទ្វេសព្វព្រះរាជហឫទ័យ ស្ដេចយាងជាព្រះរាជាធិបតីភាពដ៏ខ្ពង់ខ្ពស់បំផុត នៃព្រះរាជពិធីស្វាធ្យាយព្រះសត្តប្បករណាភិធម្ម (បង្សុកូល) ដើម្បីឧទ្ទិសជូនដួងវិញ្ញាណសាស្ត្រាចារ្យបណ្ឌិត Dr .Beat Richner នាយកស្ថានិក មូលនិធិគន្ធបុប្ផា។

Credit: ឧកញ៉ា សឺន គុយ