ការស្លាប់នារី​អាកាសចរណ៍​ហ្វី​លី​ពី​ន​ដ៏​ស្រស់​ស្អាត​ម្នាក់ នៅ​តែ​អាថ៌​កំបាំងនៅឡើយ​!

ទីក្រុង​ម៉ានីល ៖ មន្ត្រី​ប៉ូ​លី​ស​ហ្វី​លី​ពី​ន ធ្លាប់​បាន​ប្រកាស​ថា នារី​អាកាសចរណ៍​ម្នាក់​ដែល​បម្រើ​ការ​នៅ​លើ​យន្ដហោះ ត្រូវ​បាន​គេ​រក​ឃើញ​ថា បាន​ស្លា​.​ប់​នៅ​វេលា​ថ្ងៃត្រង់​ថ្ងៃ​ទី​១ ខែមករា ឆ្នាំ​២០២១ នៅ​ក្នុង​អាង​ងូតទឹក ក្នុង​បន្ទប់ទឹក​នៃ​សណ្ឋាគារ​មួយ នៅ​ប្រទេស​ហ្វី​លី​ពី​ន សង្ស័យ​ត្រូវ​បាន​គេ​ចាប់​រំ​លោ​.​ភ​ស​ម្លា​.​ប់ ក្រោយ​ពី​នាង Christine Angelica Dacera បាន​ចូល​ស្នាក់​នៅ​សណ្ឋាគារ​លំដាប់​ផ្កាយ​៤ ស៊ី​ធី​ហ្គា​ឌិន នៅ​ទីក្រុង​ម៉ា​កា​ទី នៃ​ទីក្រុង​ម៉ានីល ដើម្បី​អបអរ​ឆ្នាំ​ថ្មី ឆ្នាំ​សកល ឆ្នាំ​២០២១ ជាមួយ​មិត្តភក្តិ​ប្រុស​ៗ​មួយ​ក្រុម ។

មរណភាព​របស់ Christine Angelica Dacera គឺ​ស្ថិត​នៅ​ក្នុង​ភាព​អាថ៌​កំបាំង​នៅឡើយ!នាង Christine Angelica Dacera អាយុ​២៣​ឆ្នាំ ជានា​រី​ស្រស់​ស្អាត​ម្នាក់ របស់​ហ្វី​លី​ពី​ន នាង​ជា​កញ្ញាឯក​ចំណាត់ថ្នាក់​លេខ​២ នៃ​កា​ប្រកួត Miss Silka Davao 2017 និង​ជានា​រី​អូ​តេស​បម្រើ​ការ​លើ​យន្តហោះ ក្រុមហ៊ុន​អាកាសចរណ៍ philippine airlines ។ នាង​ជា​កូនស្រី នៃ​ឧត្តមសេនីយ៍​ម្នាក់ នាង​ជា​កូន​ទី​២ ក្នុង​ចំណោម​បងប្អូន​៤​នាក់ និង​បាន​បញ្ចប់​សញ្ញាប័ត្រ ផ្នែក​ទំនាក់ទំនង​នៅ​មហាវិទ្យាល័យ​ហ្វី​លី​ពី​ន ក្នុង​ទីក្រុង​ដា​វ៉ា​វ ។ នាង​ជា​អ្នក​រាំ ដើរ​បង្ហាញ​ម៉ូត និង​ប្រឡង​បវរកញ្ញា​ឈាន​ដល់​វគ្គ​ផ្តាច់ព្រ័ត្រ នៅ Mutya ng Davao នៅ​ឆ្នាំ​២០១៩ ។ ក្នុង​ឆ្នាំ​២០១៩ រូប​នាង​បាន​ផ្លាស់​ទៅ​រស់នៅ​ទីក្រុង​ម៉ានីល ដើម្បី​បម្រើ​ការ​ជានា​រី​អូ​តេស ការងារ​ឆ្នើម​របស់​នាង ធ្វើ​អោយ​លេចធ្លោ​ក្នុង​ក្រុមហ៊ុន ។ បើ​តាម​ម្តាយ​របស់​នាង​ឈ្មោះ សា​រ៉ុ​ន ប្រាប់​ថា ក្តី​សុ​បិ​ន្ត​របស់​នាង គឺ​នាំ​គ្រួសារ​របស់​នាង ដើរ​លេង​ជុំវិញ​ពិភពលោក ។

តើ​មាន​អី្វ​កើតឡើង​លើ​រូប​នាង​នៅ​យប់​កើតហេតុ ?

ចម្លើយ​នោះ គឺ​នៅ​មិន​ទាន់​ដឹង​ទេ ។ នៅ​យប់​ឆ្លង​ឆ្នាំ នៅ​ថ្ងៃ​ទី​៣១ ខែធ្នូ ២០២០ បាន​ជួល​បន្ទប់​មួយ​ធ្វើ​ពិធីជប់លៀង​ឯកជន នៅ​សណ្ឋាគារ​លំដាប់​ផ្កាយ​៤ ស៊ី​ធី​ហ្គា​ឌិន នៅ​ទីក្រុង​ម៉ា​កា​ទី នៃ​ទីក្រុង​ម៉ានីល ដើម្បី​អបអរ​ឆ្នាំ​ថ្មី ជាមួយ​មិត្តភក្តិ​មួយ​ក្រុម ដែល​មុន​ពេល​ទៅ Christine Angelica Dacera ក៏​បាន ទូរស័ព្ទ​ប្រាប់​ម្ដាយ ដោយ​បញ្ជាក់​ថា កុំអោយ​បារម្ភ​អី ព្រោះ​គ្រប់​គ្នា​ក្នុង​កម្មវិធី សុទ្ធតែ​មិត្តភក្តិ​អាច​ទុកចិត្ត​បាន ។

ក្រោយ​ពី​កម្មវិធី​ជប់លៀង​រួចរាល់ ស្រាប់តែ​មាន​មនុស្ស​ទាក់ទង​ទៅ​បុគ្គលិក​សណ្ឋាគារ នា​រសៀល​ថ្ងៃ​ទី​១ ខែមករា ២០២១ ប្រាប់​ថា មាន​មនុស្ស​រង​របួស ហើយ​ក៏​បាន​ជួយ​នាំ​មក​បន្ទប់​ពេទ្យ​របស់​សណ្ឋាគារ អ្នក​របួស​នោះ​គឺ​នាង Christine ត្រូវ​បាន​ខាង​បុគ្គលិក​ពេទ្យ​សណ្ឋាគារ​សង្គ្រោះ​បឋម​ដែរ តែ​រូប​នាង​នៅ​សន្លប់​ស្ដូកស្ដឹង ទើប​នាំ​គ្នា​បញ្ជូន​បន្ត​ទៅ​មន្ទីរពេទ្យ ក្រោយមក​គ្រូពេទ្យ​ប្រាប់​ថា នាង​បាន​ស្លាប់​បាត់បង់​ជីវិត​ទៅ​ហើយ ។

រឿង​នេះ​ក្លាយជា​ព័​ត៏​មាន​ធំ នៅ​លើ​បណ្តាញ​សង្គម​ក្នុង​ប្រទេស​ហ្វី​លី​ពី​ន ភ្លាម​ៗ​ប៉ូ​លី​សបាន​បញ្ចេញ​ព័ត៌មាន​មិន​ពេញលេញ​លើ​ករណី​នេះ​ទេ គ្រាប់​តែ​ប្រកាស​តាម​ការ​ស៊ើ​អ​ង្គេ​ត​ជា​ជំហាន​ដំបូង​ថា នាង Christine ជា​ជន​រង​គ្រោះ នៃ​ការ​រំលោភ និង​មនុស្សឃាត ដោយ​បន្ថែម​ថា បាន​ប្រទះ​ឃើញ ស្លាកស្នាម​ទឹកកាម​ក្នុង​រាង​កាយ​របស់ Christine និង​តាម​ដងខ្លួន​មាន​ស្នាម​ជាំ ។

ព័​ត៏​មាន​នេះ​បាន​ធ្វើ​អោយ​អ្នក​ប្រើប្រាស់​បណ្តាញ​សង្គម​ក្នុង​ប្រទេស​ហ្វី​លី​ពី​ន នាំ​គ្នា​ជជែក​គ្នា​យ៉ាង​ក្ដៅ​គគុក និង​មានការ​សន្និដ្ឋាន​ថា ជា​ករណី​រំលោភ​រហូត​ស្លាប់ និង​បាន​ធ្វើការ បង្ហោះ​រូបភាព​រឿងរ៉ាវ​ផ្សេង​ៗ​ដែល​ពាក់ព័ន្ធ នឹង​បុរស​ជា​មិត្តភក្តិ​របស់​នាង Christine ចំនួន​១១​នាក់ និង​មានការ​ជេរ​ប្រមាថ ដាក់​បណ្ដាសា ថែម​ទាំង​ផ្ញើរ​សារ​ប្រមាថ​ទៅ​កាន់​ក្រុម​គ្រួសារ និង​អ្នក​ដែល​ស្គាល់​បុរស​ទាំង​១១​នាក់​នោះ​ទៀត​ផង ។ ការ​ទាមទារ​រក​យុត្តិធម៌ អោយ​នាង Christine ជាប់​លំដាប់​ទី​១ លើ​បន្តាញ​សង្គម​ធ្វី​ត​ទ័​រ ក្នុង​ប្រទេស​ហ្វី​លី​ពី​ន ល្បី​ពេញ​ពិភពលោក ព័​ត៏​មាន​ភាគច្រើន​ចេញ​មក​មាន​លក្ខណៈ​ស្រ​ដៀង​ៗ​គ្នា​សង្ស័យ​ថា​មិត្តភក្តិ​ប្រុស​ទាំង​អស់នោះ ប្រដាក់​គ្នា​រំលោភ​មិត្តភក្តិ​ស្រី​រហូត​ដល់​នាង​ស្លាប់ ធ្វើ​អោយ​ប្រជាជន​ពិភពលោក​ទទួលយក​អត់​បាន​ចំពោះ​រឿង​ដែល​កើតឡើង​នេះ ។

ប៉ូ​លី​ស​ជាតិ​ហ្វី​លី​ពី​ន ក៏​បាន​ប្រកាស​អោយ​ដឹង​ដែរ​ថា បាន​ចាប់ខ្លួន​ជនសង្ស័យ​ចំនួន​៣​នាក់ នាំ​មក​សាកសួរ​ពាក់ព័ន្ធ​ការ​ស្លា​.​ប់​របស់​នារី​រង​គ្រោះ ខណៈ​ជនសង្ស័យ​ផ្សេង​ទៀត កំពុង​គេចខ្លួន ។ អ្នក​ទាំង​៣​នាក់ ជា​មិត្ត​ស្និ​ទ​ស្នាល​បំផុត​របស់ Christine ត្រូវ​បាន​ចោទប្រកាន់​ពី​បទ​រំ​លោ​.​ភ​សេព​ស​.​ន្ថ​វៈ និង​មនុស្សឃាត រួម​មានឈ្មោះ ទី​-១ John Pascual dela Serna អាយុ ២៧​ឆ្នាំ​, ទី​-២ Rommel Daluro Galido អាយុ ២៩​ឆ្នាំ និង​ទី​-៣ John Paul Reyes Halili អាយុ ២៥​ឆ្នាំ ។

ពី​មិត្តភក្តិ​ស្និទ្ធស្នាល​នឹង​គ្នា ក្លាយជា​ជនសង្ស័យ​ទៅ​វិញ ?ប្រភព​ពី​ខាង​សណ្ឋាគារ បាន​ផ្ដល់​ព័​ត៏​មាន​ថា នាង Christine មក​ចូល​ស្នាក់ នា​យប់​ថ្ងៃ​៣១ ធ្នូ ដោយ​មក​ជាមួយ​មិត្តភក្តិ​ប្រុស​ៗ​ចំនួន ៣​នាក់ គឺ Rommel Daluro Galido, John Pascual dela Serna និង Gregorio Angelo de Guzman ហៅ Jigo ។

លោក Rommel ជា​អ្នកបម្រើ​កា​លើ​យន្តហោះ ក្លាយជា​ជនសង្ស័យ​ម្នាក់​ក្នុង​ចំណោម​១១​នាក់ លោក Rommel ជា​មិត្ត​ជិត​ស្និទ្ធ​ជាងគេ​របស់​នាង Christine ទាំង​ពីរ​អ្នក​ស្រលាញ់​គ្នា​ណាស់ រហូត​ដល់​នាង​បង្ហោះ​រូប​លើ​អ៊ី​ន​ស្តា​ក្រាម ថា Rommel ជា​មិត្ត​ស្និទ្ធស្នាល​បំផុត​របស់​នាង និង​ថា នាង​គិត​មិន​ចេញ​ទេ​ថា ជីវិត​វា​ទៅ​ជា​បែប​ណា បើសិន​គ្មាន​មិត្ត​ល្អ​ម្នាក់​នេះ​នៅ​ក្បែរ​នោះ ។

លោក Rommel រូប​នេះ​ហើយ​ជា​អ្នក​ទូរស័ព្ទ​ហៅ​បុគ្គលិក​សណ្ឋាគារ និង​បាន​ប្រាប់​ទៅ​ប៉ូ​លី​ស​ថា ពួក​គេ​មក​បើក​បន្ទប់​រៀបចំ ជប់លៀង​នៅ​សណ្ឋាគារ​នេះ ក្រោយ​ពី​លោក​ភ្ញាក់​ដឹងខ្លួន​នៅ​ម៉ោង​១០​ព្រឹក ឃើញ​នាង Christine គេង​ក្នុង​អាង​ទឹក រូបគេ​គិត​ថា នាង​ប្រហែល​ស្រវឹង​ដេក​លក់​គេ​ក៏​យក​ភួយ​ទៅ​ដណ្ដប់​អោយ ហើយ​ក៏​ត្រឡប់​មក​គេង​បន្ត ។ ក្រោយមក​រូប​លោក ក្រោក​មក​ម្ដងទៀត នៅ​ពេល​រសៀល ឃើញ Christine គេង​នៅ​កន្លែង​ដដែល និង​ឃើញ​ស្បែក​ចាប់ផ្ដើម​ប្ដូរ​ពណ៌​ខៀវ​ជាំ ទើប​លោក​និង​បុគ្គលិក​សណ្ឋាគារ​ព្យាយាម​សង្គ្រោះ​បឋម មុន​ពេល​បញ្ជូន​នាង​ទៅ​មន្ទី​ពេទ្យ តែ​វា​ហួសពេល​ទៅ​ហើយ ។

ជនជាប់ចោទ​ម្នាក់​ទៀត គឺ​លោក Gregorio Angelo de Guzman ហៅ Jigo រូបគេ​មាន​ម្ដាយ​ជា​អ្នកជំនួញ និង​តារាចម្រៀង​ជើង​ចាស់​ដ៏​ល្បី ក្នុង​ជំនាន់​ទសវត្សរ៍​៧០ Jigo អតីត​ជា​អ្នកបម្រើ​លើ​យន្តហោះ ដែល​បច្ចុប្បន្ន ជា​គ្រប់គ្រង​ក្លឹ​ប និង​ជា​គ្រូបង្វឹក​ហាត់ប្រាណ ។ លោក Jigo ជា​មនុស្ស​ភេទ​ទី​៣ ដែល​បើក​ជំហរ​មករ​ហូត។អំឡុង​ពេល​សម្ភាសន៍​ជាមួយ​ទូរទស្សន៍ ABS-CBN លោក​បាន​បដិសេធ​ថា មិន​មាន​ចំណែក​ពាក់ព័ន្ធ នឹង​ការ​ស្លាប់​របស់​នាង Christine ទេ ហើយ​លោក​ថែម​ទាំង​បាន​ជួយ​សង្គ្រោះ​បឋម​អោយ​នាង​ទៀត​ផង ។

ផ្ដល់​បទ​សម្ភាស​ទាំង​ទឹកភ្នែក លោក Jigo បាន​ប្រាប់​ថា បេះដូង​លោក​មិន​ដែល​មាន​សម្ព​ន្ធ័​ភាព​ជាមួយ​នារី​ៗ​ទេ ព្រោះ​ជា​ខ្ទើយ តើ​ទៅ​ជា​រឿង​ករណី​រំលោភ​សម្លាប់​ដោយ​របៀប​ណា ?លោក​បាន​អះអាង​ថា ខ្ញុំ​កំពុង​គិត​ពី​ពេល​នោះ​មក ហេតុ​អ្វី​បានជា​ដាស់​មិន​ភ្ញាក់ ? នាង Christine ដេក​ក្នុង​អាង​ងូតទឹក នៃ​បន្ទប់​សណ្ឋាគារ ។ ខ្ញុំ​ហត់​ហើយ បបូរមាត់​ខ្ញុំ​ស្ងួត​អស់ហើយ​.. ខ្ញុំ​បាន​ប៉ះ​នាង​.. នាង​នៅ​ក្តៅ​ទន់ នៅ​ពេល​យើង​ទាញ​នាង​ចេញពី​អាង​ងូតទឹក ។

លោក​បាន​កត់សម្គាល់​បន្ថែម​ទៀត​ថា ប្រហែលជា​មាន​បុរស​ប្រហែលជា ៦​នាក់​ទៅ​៨​នាក់ ដែល​បាន​ចូលរួម​ក្នុង​ពិធី​អបអរ​ពិធី​ចូល​ឆ្នាំ​ថ្មី ពួក​គេ​ក៏​ជា​ខ្ទើយ​ដែរ ។ពិធីជប់លៀង​ឯកជន អ្នកចូលរួម​សុទ្ធ​បុរស​ៗ​ខ្ទើយ ?ក្រោយមក​មាន​ប្រជាជន​ហ្វី​លី​ពី​ន​ដែល​ជា​អ្នក​ស្គាល់​នាង Christine និង​បុរស​ទាំង​១១​នាក់​នោះ ចេញ​មក​និយាយ​ដូច​គ្នា​ថា មនុស្ស​ប្រុស​ទាំង​១១​នាក់​នោះ ជា​ខ្ទើយ (​ភេទ​ទី​3 ) និង​ពិធីជប់លៀង​នោះ ជា​ការ​ជប់លៀង​បុរស​ខ្ទើយ ដែល​មាន​មនុស្ស​ស្រី​ម្នាក់​បាន​ចូលរួម ពួក​គេ​ទាំង​១១​នាក់​ហ្នឹង មិន​បាន​ស្រលាញ់​ស្រី ពួក​គេ​មាន​ភាព​ជា​មនុស្ស​ស្រី ច្រើន​នាង Christine ទៅ​ទៀត ។

បន្តបន្ទាប់​មក ក៏​ចាប់ផ្ដើម​មាន​ប្រជាជន​ហ្វី​លី​ពី​ន​ខ្លះ​ដែល​ធ្លាប់​បង្ហោះ​សារ​ជេរ​ប្រមាថ​លើ​ជនសង្ស័យ ក៏​បាន​លប់​ផុស​ចេញ និង​មាន​អ្នកខ្លះ​បាន​សរសេរ​ថា ការ​ទាមទារ​យុ​ត្ត​ធម៌​អោយ​នារី​រង​គ្រោះជា​រឿង​ដែល​ត្រូវធ្វើ តែ​ការ​ដែល​មិន​ទៅ​លាប​ពណ៌​មនុស្ស​ល្អ​បរិសុទ្ធ ក៏​ជា​រឿង​សំខាន់​ដូច​គ្នា ។ ដូច្នេះ សូម​ទុក​រឿង​នេះ​អោយ​ប៉ូ​លី​ស និង​តុលាកា​ទៅ ។

ជាមួយ​គ្នា​នេះ​ដែរ ក៏​មាន​មតិ​ភាគច្រើន​ទៀត យល់​ថា ទោះបីជា​ខ្ទើយ ពុំ​អាច​ថា មិន​ប្រព្រឹត្ត​ល្មើស​ផ្លូវភេទ​លើ​មនុស្ស​ស្រី​នោះ​ទេ ។ ហើយ​មតិ​ទាំងអស់​ជឿ​ថា យប់​នោះ​ប្រាកដជា​មាន​ហេតុការណ៍​មិនល្អ​ណាមួយ​កើតឡើង​លើ​រូប​នាង​មិន​ខាន ក្នុង​ខណៈ​ដែល​គ្រួសារ​របស់ Christine ជឿ​ថា កូនស្រី​ត្រូវ​គេ​ដាក់​ថ្នាំ ។​លទ្ធផល នៃ​ការ​ធ្វើ​កោសល​វិច័្ចយ

លទ្ធផល នៃ​ការ​ធ្វើ​កោសល​វិច័យ របស់​ប៉ូ​លី​ស​ម្ដងនេះ​បាន​បង្ហាញ​ថា នាង Christine បាត់បង់​ជីវិត ដោយ​ប៉ោង​ដាច់​សរសៃឈាម​ខួរក្បាល និង​មិន​បាន​និយាយ​ដល់​រឿង​ទឹកកាម ដែល​ធ្លាប់​និយាយ​ថា ប្រទះ​ឃើញ​ក្នុង​រាង​កាយ​នាង​កន្លង​មក​នោះ​ទេ ដែល​ធ្វើ​អោយ​អ្នក​និយម​លេង​នៅ​លើ​បណ្តាញ​សង្គម​ហ្វី​លី​ពី​ន ក្ដៅ​ម្ដងទៀត លើក​នេះ​នាំ​គ្នា​រិះគន់ មន្ត្រី​ប៉ូលិស​យ៉ាង​ចាស់ដៃ ។

ដោយឡែក ឯកសារ​មួយ​ច្បាប់​មាន​អ្នក​ថត យក​មក​បង្ហោះ ចែករំលែក​យ៉ាង​គគ្រឹកគគ្រេង ក្នុង​ឯកសារ​នោះ បាន​បង្ហាញ​ថា នាង Christine ស្លាប់​ដោយសារ​ជំងឺ និង​បង្ហាញ​ទៀត​ថា សន្ទះ​ព្រហ្មចារី បាន​ដាច់​តែ​វា​ជា​ស្លាកស្នាម​ចាស់​ដែល​ជា​ទៅ​ហើយ ដំបៅ​ក្នុង​ទ្វារមាស​ត្រូវ​បានជា​សះស្បើយ​មាន​ន័យ​ថា វា​មាន​តាំងពី​ប៉ុន្មាន​ថ្ងៃមុន និង​មិន​មានការ​បញ្ជាក់​ពី​ទឹក​អា​សុ​ជិ​ក្នុង​នោះ​ទេ ក្រោយ​ពី​ឃើញ​ឯកសារ​នេះ ក៏​មាន​មនុស្ស​មួយ​ចំនួន​ចាប់ផ្ដើម​ជឿ​ថា Christine គ្មាន​សញ្ញា​នៃ​ការ​ចាប់រំលោភ​ទេ នាង​ស្លាប់​អាច​បណ្តាល​មក​ពី​ការ​ធ្លុះធ្លាយ​សរសៃឈាម ។ មតិ​ខ្លះ​ថា មានរឿង​នៅ​ពីក្រោយ​ខ្នង អាច​នាង​ប្រើ​ថ្នាំ ឫ​មួយ​មាន​គេ​សម្លាប់​នាង​ពិតមែន ប៉ុន្តែ​យ៉ាងណា វា​នៅ​តែ​ជា អាថ៌​កំបាំង ។

រឿងរ៉ាវ​គួរ​អោយ​សង្ស័យ​ផ្សេង​ៗ​ទៀត ក៏​នៅ​មាន​បន្តបន្ទាប់​ពី​មានការ​ចែកចាយ​វី​ដេ​អូ ពី​កាមេរ៉ា​សុ​វត្តិភាព​របស់​សណ្ឋាគារ រក​ឃើញ​ថា នាង Christine នៅ​ជាមួយ​មិត្តភក្តិ​ប្រុស​ច្រើន​នាក់ មានការ​ឱប គៀក​ស្នា និង​រូបភាព​ដែល​នាង​ដោះ​ស្បែកជើង​កាន់​ទៀត ប៉ុន្តែ​វា​នៅ​ជា​រឿង​គួរ​អោយ​សង្ស័យ​នៅឡើយ ថា​តើ​វា​កើតរឿង​អ្វី​អោយ​ប្រាកដ​ក្នុង​រូបភាព​នោះ ?ការ​ចាប់​យក​រូបភាព​របស់​ទូរទស្សន៍ CCTV បាន​បង្ហាញ​ពី​ម៉ោង​នៅ​ថ្ងៃ​ឆ្លង​ចូល​ឆ្នាំ​ថ្មី នៅ​ក្នុង​រូបថត​មួយ​ថ្ងៃ​ទី​៣១ ខែធ្នូ វេលា​ម៉ោង​១១ និង​៣៨​នាទី នាង Christine ត្រូវ​បាន​គេ​ឃើញ​កាន់​ស្បែកជើង​របស់​នាង និង​កែវ​ស្រា នៅ​ក្បែរ​បុរស​ពីរ​នាក់ នៅ​ខាងក្រៅ​បន្ទប់​លេខ 2209 ។ នៅ​ក្នុង​ការ​ចាប់​យក​អេ​ក្រង់​មួយ​ផ្សេង​ទៀត នា​ថ្ងៃ​ទី​១ ខែមករា ម៉ោង​៣​និង​២២​នាទី នាង Christine ត្រូវ​បាន​គេ​ឃើញ​ដើរ​ដោយ​ជើង​ទទេ ជាមួយ​បុរស​បី​នាក់ ។

ចុង​ក្រោយ មាន​រូបភាព​ធ្លាយ​ពី​ជនជាប់សង្ស័យ​ម្នាក់ ដែល​បាន​ចូលរួម​ក្នុង​កម្មវិធី​ជប់លៀង បង្ហាញ​ជា​រូបភាព ដែល​នាង Christine អង្គុយ​ក្អួត​ក្នុង​បន្ទប់ទឹក ហើយ​លើក​ម្រាមដៃ ២​ដាក់​កាមេរ៉ា ដោយពេល​ដែល​ថត​នោះ គឺ​ម៉ោង ០៦​និង​៣៩​នាទី​ព្រឹក ថ្ងៃ​ទី​១ ខែមករា ឆ្នាំ​២០២១ នេះ​ស​ឲ្យ​ឃើញ​ថា នាង​នៅ​មានជីវិត ក្នុងអំឡុងពេល​នោះ ។ទោះជា​យ៉ាងណា រង់ចាំ​មើល​រឿង​មួយ​នេះ ជាមួយ​កោះសន្តិភាព​បន្ត​ទៀត អ្វី​ដែល​ជា​អាថ៌​កំបាំង ? ហើយ​មរណភាព​របស់​នារី​អាកាសចរណ៍​ហ្វី​លី​ពី​ន​ដ៏​ស្រស់​ស្អាត​រូប​នេះ​ដោយសារ​អ្វី​ឲ្យ​ច្បាស់លាស់ ?

ដកស្រង់ពី៖ កោះសន្តិភាព