ប្រហែសមិនបានទេ! ថៃប្រកាសរកឃើញអ្នកឆ្លងកូវីដ-១៩ រហូតដល់ទៅ……

ក្នុងចំណោមករណីឆ្លង COVID-19 ថ្មីៗទាំង ៤២៧នាក់ ដែលត្រូវបានបានរាយការណ៍ខាងលើនេះរួមមាន ពលករចំណាកស្រុកចំនួន ៣៩៧នាក់នៅខេត្តសាមុតសាខន ក្រោយករណីផ្ទុះឡើងដំបូង កាលពីចុងសប្តាហ៍មុន នៅឯកន្លែងលក់គ្រឿងសមុទ្រដ៏ធំមួយនៅក្នុងខេត្ត។ អាជ្ញាធរថៃបានអះអាងទៀតថា មានអ្នកឆ្លង COVID-19 ជាង ១,១០០ករណី ដែលភាគច្រើនមកពីប្រទេសមីយ៉ាន់ម៉ា តែត្រូវបានក្រុមជំនាញរកឃើញថា «មិនមានរោគសញ្ញាអ្វីទាំងអស់»។

អាជ្ញាធរថៃបានស្រាវជ្រាវឃើញថា មានអ្នកទិញអាហារសមុទ្រជាច្រើន ដែលបានធ្វើដំណើរមកពីខេត្តចំនួន ២២ បានទៅទីនោះចន្លោះពីថ្ងៃទី០១ ដល់ ថ្ងៃទី១៨ ខែធ្នូ ហើយអ្នកទាំងនោះត្រូវបានអំពាវនាវ ឲ្យស្វែងរកការធ្វើតេស្តរក COVID-19 ឲ្យបានឆាប់ជាទីបំផុត។ដោយឡែកអ្នកនាំពាក្យរដ្ឋាភិបាលថៃ បានបញ្ជាក់នៅក្នុងសន្និសីទកាសែតមួយថា មនុស្សប្រហែល ១,០០០នាក់នៅទូទាំងប្រទេស បានទៅទិញទំនិញនៅទីនោះ ក៏ប៉ុន្តែអាជ្ញាធរបានអំពាវនាវ សុំកុំឲ្យអ្នកទាំងអស់នោះភ័យស្លន់ស្លោ ប្រសិនបើដឹងថាខ្លួនធ្លាប់បានទៅទីនោះ ហើយត្រូវស្វែងរកការធ្វើតេស្តជាបន្ទាន់វិញ។

គួរបញ្ជាក់ថា សម្រាប់ករណីឆ្លងថ្មីៗចំនួន ១៦នាក់ទៀត ដែលត្រូវបានរាយការណ៍នៅថ្ងៃអង្គារនេះដែរ គឺស្ថិតនៅខេត្តចំនួន ០៨ ក្នុងនោះមាន ០៥ករណីនៅទីក្រុងបាងកក ខណៈ ១៤ករណីទៀត គឺ ជាប្រភេទករណីនាំចូលពីបរទេស។ សម្រាប់ប្រទេសមីយ៉ាន់ម៉ា គឺត្រូវបានគេដឹងថា ជាប្រភពកម្លាំងពលកម្មដ៏សំខាន់ សម្រាប់វិស័យគ្រឿងសមុទ្រនៅក្នុងប្រទេសថៃ ហើយអាជ្ញាធរថៃបានសង្ស័យថា កម្មករខ្លះបានវិលត្រលប់មកវិញ ចាប់តាំងពីការរីករាលដាលខ្លាំងនៅទីនោះ កាលពីខែសីហាមកម្ល៉េះ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​យោងតាមគេហទំព័រ worldometers គិតត្រឹមថ្ងៃអង្គារនេះ ករណីឆ្លងជំងឺ COVID-19 សរុបនៅទូទាំងប្រទេសថៃ បានកើនឡើងដល់ ៥,៧១៦ករណី ក្នុងនោះស្លាប់ ៦០នាក់ និងជាសះស្បើយវិញ ៤,០៧៨នាក់៕

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​