រថភ្លើងដឹកទំនិញមួយខ្សែ បានកិនកម្មករចំណាកស្រុកស្លាប់ចំនួន១៤នាក់ នៅឯប្រទេសឥណ្ឌា

មន្ត្រីប៉ូលិសបានឱ្យដឹងថា កាលពីថ្ងៃសុក្រមានកម្មកររាប់ពាន់នាក់ដែលបានធ្វើចំណាកស្រុក ព្រោះតែពួកគេបានបាត់បង់ការងារដោយសារវិបត្តិ Covid-១៩។ នៅតាមផ្លូវត្រឡប់ទៅស្រុកវិញ ពួកគេក៏បានសម្រាកនៅលើផ្លូវរថភ្លើង តែជាអកុសលដែលកំពុងតែលង់លក់ ស្រាប់តែត្រូវរថភ្លើងដឹកទំនិញមួយខ្សែបានកិនស្លាប់ចំនួន១៤នាក់។

ក្រសួងរថភ្លើងបាននិយាយថា អ្នកបើករថភ្លើងដឹកទំនិញមួយខ្សែនោះ ក៏បានព្យាយាមបញ្ឈប់រថភ្លើងដែរ ខណៈពេលឃើញកម្មករដេកនៅលើផ្លូវ ប៉ុន្តែនៅតែមិនអាចបញ្ឈប់បាន។ ប៉ុន្តែក្នុងករណីនេះ ក្រុមមន្ត្រីក៏នៅតែបន្តធ្វើការស៊ើបអង្កេតបន្ថែមទៀតដែរ។

រដ្ឋមន្រ្តីផ្លូវដែកលោក Piyush Goyal បាននិយាយនៅលើបណ្តាញសង្គម Twitter ថា “ខ្ញុំក៏ទើបតែបាន ទទួលដំណឹងដ៏ក្រៀមក្រំ អំពីករណីកិនស្លាប់កម្មករដល់ទៅ១៤នាក់នេះដែរ”។

យ៉ាងណាមិញ ព័ត៌មាននៃការកិនស្លាប់កម្មករនេះ បានធ្វើឱ្យមហាជនមានការភ្ញាក់ផ្អើល និងសោកស្ដាយជាខ្លាំង៕

Screen Shot 2020 05 08 At 5.23.14 PM
សូមចុចលើរូបភាពដើម្បីពង្រីករូបភាព
Screen Shot 2020 05 08 At 5.23.27 PM
សូមចុចលើរូបភាពដើម្បីពង្រីករូបភាព
Screen Shot 2020 05 08 At 5.23.35 PM
សូមចុចលើរូបភាពដើម្បីពង្រីករូបភាព
Screen Shot 2020 05 08 At 5.23.42 PM
សូមចុចលើរូបភាពដើម្បីពង្រីករូបភាព

ប្រភព ៖ Reuters

Loading...

Leave a Comment