២៦ សន្លឹក នឹកឃើញជីវភាពកាលពីវ័យកុមារ!!! ចុះអ្នកចងចាំអ្វីជាងគេកាលពីកុមារភាព?
វ័យកាន់តែចម្រើនធំឡើងៗ ទំនួលខុសត្រូវក៏កាន់តែច្រើន ឯបញ្ហាក្នុងជីវិតក៏កាន់តែកើនឡើងចាំឱ្យយើងដោះស្រាយ។ មានតែវ័យកុមារតែប៉ុណ្ណោះ គឺជាពេលដែលរីករាយជាងគេនោះ ព្រោះយើងមិនចាំបាច់គិត មិនចាំបាច់ខ្វល់ ឬឈឺក្បាលច្រើនទេ មានតែរឿងសប្បាយរីករាយ ស្នាមញញឹម សំឡេងសើចក្អាកក្អាយ ឯទឹកភ្នែក ឬការយំយែកក៏ជាទុក្ខសោករបៀបក្មេងមិនដឹងអី តែយំហើយអ្វីៗក៏ធូរស្បើយវិញដែរ។
គួរឱ្យដឹងផងដែរថា រូបភាពពីអ៊ីនធើណេតប្រមាណជា ២៤សន្លឹក បានមានសន្ទុះនៃការចែករំលែកតៗគ្នាយ៉ាងច្រើន ដោយសារតែរូបទាំងនោះធ្វើឱ្យយើងនឹងឃើញកុមារភាពដ៏រីករាយ ដែលអាចឱ្យយើងរំសាយទុក្ខសោកបានខ្លះ។
ដូច្នេះចង់ដឹងថារូបភាពមួយណាធ្វើឱ្យអ្នកដិតក្នុងអារម្មណ៍ជាងគេ តោះ! មកតាមដានទាំងអស់គ្នា៖
នៅចាំទេ?ឆ្នាំអ៊ុតបុរាណដាក់ធ្យូង ដែលលោកយាយ និងម្តាយរបស់យើងចំណាំអ៊ុតខោអាវ? សម័យនោះមិនទាន់មានឆ្នាំអ៊ុតអគ្គិសនីនៅឡើតនោះទេ
ចាំអត់? កាលពីនៅក្មេងៗ ចូលចិត្តដើរទិញការ៉េម ទឹកកកឈូស និងបង្អែមទឹកកកឈូស ឆ្ងាញ់មែនទែនថែមទឹកសីរ៉ូទៀតរឹតតែអែម។
ឱ្យតែមានបុណ្យទានដូចជា ភ្ជុំ ឬចូលឆ្នាំជាដើម ទៅវត្តជាមួយចាស់ៗ ជួយកាន់អីវ៉ាន់ ចានស្រាក ជាពិសេសគឺបានបូហ្វេបាយវត្តទៀត ឆ្ងាញ់មែនទែនម្ហូបច្រើនណាស់យកទៅណាអស់!
អីយ៉ា! អ្នកណាគេធ្លាប់គេងក្រាលកន្ទេលចាំមើលល្ខោនខ្លះ?
ហាហា...សុំលុយម៉ែទីញនំ និងស្ករគ្រាប់
សប្បាយជាងគេបានឡើងដើមឈើ ឬលួចបេះផ្លែឈើក្នុងសម្ការញ៉ាំ
ឃើញគេលក់នំចំណី នៅក្នុងផ្សារ តាមភូមិ ឬបុណ្យភូមិម្តងៗ និយាយពីថាទឹកមាត់ក៏ស្រក់ ភ្នែកសម្លឹងតែម្ហូបចំណីទេ!
កាលពីតូចនិយាយពីថាខ្លាចខ្មោចលេខ១ ឱ្យតែដើរយប់ៗម្នាក់ឯង បើមិនរត់ទេភ្នាល់ ហិហិ
ពេលមានបុណ្យទាន ឬធ្វើនំសម្រាប់បុណ្យទានម្តងៗដូចជាធ្វើនំអន្សម នំគម គឺថារវល់អស់ម៉ាផ្ទះហើយ ឯយើងក្មេងៗនេះសប្បាយលេងដែរហ្នឹង បើមិនកូរមិនកើត
ឱ្យតែខែធ្លាក់ខ្យល់ម្តងៗ នាំគ្នាធ្វើខ្លែងបង្ហោះលេង រត់ពេញភូមិ សប្បាយមែនទែនហ្មង
អង្គុយបន់ឱ្យតែផ្លែឈើហូបផ្លែក្បែរផ្ទុះមានផ្លែ និងទុំពេញដើម ព្រោះដល់ពេលសប្បាយមាត់ទៀតហើយ។
ធ្លាប់ដើរតាមជិតា ឬឪពុកទៅហាងកាហ្វេអត់? មិនមែនចង់តាមស្រលាញ់អីទេ ព្រោះតាមទៅបានសុំគាត់ញ៉ាំទឹកដោះគោ ទឹកស៊ីរ៉ូ មីឡូ អូវ៉ាន់ទីនអីចឹង ហាហហា...ខូចមែនហ្មង
ទំនេរៗ ក្រៅពីដើរលេងកូរពេញភូមិ គឺដើរដាក់បង្កៃ បើមិនចឹងគឺស្ទូចត្រីលេងហ្នឹងហ្មង
ធុញជាងគេពេលម៉ែ ឬយាយហៅឱ្យជួយធ្វើម្ហូប ចិតបន្លែអីចឹង តែក៏សប្បាយដែរ ព្រោះមានរបស់ញាំឆ្ងាញ់ៗច្រើន ហិហិ
ធ្លាប់អត់ដើរដួសដង្កូវទឹក? ហាហាហ យកទៅឱ្យត្រីស៊ីហ្នឹងណា
ពេលភ្លៀងម្តងៗអរដូចបានស្ករគ្រាប់ចឹង សប្បាយលេងទឹកភ្លៀងមែនទែន ពេលខ្លះម៉ែដេញវ៉ៃឱ្យចូលផ្ទះវិញ ព្រោះខ្លាចលេងទឹកភ្លៀងយូរពេកហើមពោះ ហិហិ....
ខ្ជីលទៅបន្ទាប់ទឹក នោមពីលើផ្ទះហ្នឹងហ្មងទៅ តែពេលម៉ែតាមទាន់ម្តងៗដឹងតែស៊ីរំពាាត់ទៀតហើយ តែនៅតែអត់រាង ហិហិ.....
ដើរឆ្កឹះសត្វល្អិតលេងដូចជាចង្រិត កញ្ចែ កណ្តេះឡង់ កំភេម ជាការកម្សាន្ត ហិហិ អត់ការងារធ្វើមែន!
ដល់ពេលទៅបាចត្រី សប្បាយដល់ក តែខ្លួនមិនបាច់មើលសុទ្ធតែដី និងភក់ ហិហិ.........
សប្បាយមែនទែនពេលសុំលុយម៉ែទីញ ការ៉េម សឺរ៉ូ និងទឹកក្រូចម្តងៗ
យ៉ាងម៉េចដែរ? មាននឹកឃើញរឿងអីទៀតអត់?
Recent News
