ទស្សន៍ទាយអត្តចរិត និងបុគ្គលិកលក្ខណៈរបស់មនុស្សម្នាក់ៗ តាមរយៈប្រភេទឈាម
គ្រប់គ្នាប្រហែលជាមិនដឹងទេថា មនុស្សដែលមានប្រភេទឈាមខុសៗគ្នា ច្រើនតែមានបុគ្គលិកលក្ខណៈ ក៏ខុសគ្នាទាំងស្រុងដែរ។
បុគ្គលិកលក្ខណៈ គឺជាការកំណត់សម្គាល់របស់មនុស្សម្នាក់ៗ។ បុគ្គលិកលក្ខណៈរបស់មនុស្ស ត្រូវបានជះឥទ្ធិពលដោយកត្តាជាច្រើន។ ដូច្នេះការអភិវឌ្ឍន៍បុគ្គលិកលក្ខណៈ គឺជាប្រធានបទនៃការជជែកវែកញែកយូរអង្វែង ក្នុងចំណោមអ្នកចិត្តសាស្រ្ត។
អ្នកស្រាវជ្រាវបានធ្វើការស្ទង់មតិ និងរកឃើញទំនាក់ទំនងរវាងមនុស្ស និងប្រភេទឈាមរបស់ពួកគេ។ ពួកគេជឿថា មនុស្សដែលមានប្រភេទឈាមដូចគ្នាច្រើនតែមានចរិតលក្ខណៈផ្ទាល់ខ្លួន។ តោះ! ស្វែងយល់ពីបុគ្គលិកលក្ខណៈរបស់មនុស្សមួយចំនួនដែលមានប្រភេទឈាមខុសៗគ្នា។
១. ឈាមប្រភេទ A
មនុស្សដែលមានឈាមប្រភេទ A ច្រើនតែមានអារម្មណ៍ឆាប់ប្រែប្រួល ហើយនឹងផ្លាស់ប្តូរទៅតាមការអភិវឌ្ឍន៍របស់បុគ្គលម្នាក់ៗ។ ពោលគឺ មនុស្សដែលមានឈាមប្រភេទ A ច្រើនតែមានបុគ្គលិកលក្ខណៈស្រដៀងគ្នាក្នុងវ័យកុមារភាព និងវ័យចំណាស់។ ហើយបុគ្គលិកលក្ខណៈរបស់ពួកគេ នឹងផ្លាស់ប្តូរនៅវ័យកណ្តាល។
មនុស្សដែលមានប្រភេទឈាមនេះ គឺមានភាពទន់ភ្លន់ ត្រឹមត្រូវ មត់ចត់ ប៉ុន្តែក៏មានភាពរឹងមាំ និងការសម្រេចចិត្តស្ទើរស្ទាក់នៅពេលខ្លះដែរ។ បុគ្គលិកលក្ខណៈរបស់ពួកគេផ្លាស់ប្តូរតាមពេលវេលា ដូច្នេះពួកគេបានក្លាយទៅជាមនុស្សដែលពិបាកយល់ ពិបាកស្មានពីជម្រៅនៅខាងក្នុងរបស់គេខ្លាំងណាស់។
២. ឈាមប្រភេទ B
មនុស្សដែលមានឈាមប្រភេទ B ច្រើនតែមានភាពស្មោះត្រង់ និងពេលខ្លះ ត្រង់រហូតដល់លែងខ្វល់ពីអារម្មណ៍អ្នកជុំវិញខ្លួន។ ពួកគេចូលចិត្តពឹងផ្អែកលើអារម្មណ៍ផ្ទាល់ខ្លួនរបស់ពួកគេ នៅពេលធ្វើអ្វីមួយ។ បុគ្គលិកលក្ខណៈរបស់ពួកគេ មិនផ្លាស់ប្តូរច្រើននៅក្នុងជីវិតទេ ហើយនៅតែមានតាំងពីកុមារភាពរហូតដល់វ័យចាស់។ មនុស្សដែលមានឈាមប្រភេទ B ភាគច្រើនជាមនុស្សដែលមានមនោសញ្ចេតនាជ្រាលជ្រៅ និងស្នេហាដ៏ផ្អែមល្ហែម។
៣. ឈាមប្រភេទ O
មនុស្សដែលមានឈាមប្រភេទ O គឺជាមនុស្សដែលមានភាពរឹងមាំខ្លាំង ចូលចិត្តបញ្ចេញមតិ មានការគោរពចំពោះប្រយោជន៍រួម និងពូកែខាងទំនាក់ទំនង។ ទោះយ៉ាងណា មនុស្សដែលមានឈាមប្រភេទ O ច្រើនតែជាមនុស្សឈ្លើយ ព្រហើន និងក្រអឺតក្រទម នៅក្នុងស្ថានភាពខ្លះ។ ជារឿយៗពួកគេមានទំនុកចិត្តយ៉ាងខ្លាំងចំពោះការវិនិច្ឆ័យ និងការយល់ឃើញផ្ទាល់ខ្លួនរបស់ពួកគេ។
៤. ក្រុមឈាម AB
មនុស្សដែលមានប្រភេទឈាមនេះ ច្រើនតែមានលក្ខណ់ស្មុគស្មាញ និងមិនច្បាស់លាស់។ ជារឿយៗ ពួកគេមានភាពផ្ទុយគ្នានៅក្នុងពាក្យសម្ដី ក៏ដូចជាការប្រព្រឹត្ដ។ មនុស្សដែលមានឈាមប្រភេទនេះ មានភាពឧស្សាហ៍ព្យាយាមក្នុងការងាររបស់ពួកគេ ហើយក៏ជាមេដឹកនាំដ៏ល្អម្នាក់ដែរ គ្រាន់តែថា ពេលខ្លះ ពួកគេចាក់ស្មុគ និងរារែកចិត្តច្រើនរឿង៕
*ព័ត៌មាននៅក្នុងអត្ថបទគឺសម្រាប់ការគិតពិចារណា និងជាឯកសារយោងតែប៉ុណ្ណោះ!
ប្រភព ៖ Emdep / Knongsrok
Recent News
